Milesker aktür, dantzari eta soinularier horrelako ikusgarri ederrarentzat…
Milesker dendarieri, laguntzaileeri eta partzuer guzieri horrelako xedea, egingarri bilakaturik…
Milesker Pantxika Urruty, Sophie Larrandaburu, Guillaume Irigoyen, Patxi Iriart, Sebastien Paulini, Jean Pierre Marlin eta Patrick Calvet zuen lan xoragarriarentzat !
Milesker bulegoko kideeri eman duten guziarentzat!
Milesker nunbrian jin den publikoari, eta ukan duen konfiantxarentzat!
Bukatu da
September 16, 2018
Hara … urte bete eta aberatsaren ondotik Andereserora Hiriburun pastoralaren azken emanaladia iragan da. Bainan zorionezkoa izan da, berriz ere lortu duen arrakastari esker.
1500 jende baino gehiago kartsutasunez beteak ….
1500 jende xutik, pastoraleko 150 partaiden txalotzen , horra han zirenek gogoan beti izanen duten oroitzapen indartsua.
1500 jende esku zartaka, irriz edo gorrien oihukatzen …
1500 jende tuntik atera gabe Andereseroraren azken kantuan …
1500 jende azken emanaldiak sortzen duen bihotz ximikoaren partekatzen …
Ekainaren 3ko eta Irailaren 16ko bi egun bereziak betikotz daizke bihotzetan eta Hiribururen historia haundi eginen dute.
Biba Andere Serora ! Biba Hiriburu ! Biba Pastorala !
Talde guzia
September 06, 2018
Argazki hori da 150 presunek bizi izan duten giza abentura zoragarriaren lekukoa.
Tinkotasun, lan, zorroztasun bainan ere irri, enbeia, plazer, harrotasun eta elkartasunak kulunkatu dute emozioz kargatua izan den urtea.
Gure pastoralzaleak ez direa ederrak?
Irailaren 16ari begira
August 16, 2018
Ekainaren 3ko lehen emanaldi arrakastatsuaren ondotik, Hiriburuko pastoralzaleak berriz lanean hasiak dira irailaren 16koaren bigarren eta azkenaren prestatzeko.
Eguna pastoraleko aktür, soinulari eta kabalen ibilaldiarekin hasiko da goizeko 11etan. Lissagueko kaperan hasiko da, Plaza Berrin bururatzeko mutxikoak emanez.
300 bazkari xerbitxatuak izanen dira publiko goixtiarrari eta pastorala arratsaldeko 3ak eterditan ttanko emana izanen da, peko plazan, denak xoratu dituen aterbe haundiaren azpian, euria balitz beharrezakoa izanen dena eta iguzkia balitz, haren itzalaz gozatzeko.
Pastoraleko txartelak salgai:
Hiriburuko Herriko Etxea (05 59 44 15 27)
Elkar liburudenda (Baiona)
Xuriatea jatetxea (Hazparne)
Xibero Bio (Maule)
Kukuxka liburudenda (Donibane Garazi)
Oronos Spar (Baigorri)
Bazkariko txartelak salgai 20€tan Hiriburuko herriko etxean edo erreserbatuz meilez : hiriburupastorala.repas@gmail.com
Bazkariko txartealak
May 21, 2018
Bazkariko txartealak (20€) salgai dira Hiriburuko Herriko Etxean eta mana daitezke helbide elektroniko huntan : hiriburupastorala.repas@gmail.com
Bazkariaren txartelak oren batak aintzin behar dira erretiratu, bestela berriz salgai emanak izanen dira.
Bazkaria Plaza Berrin 20€
Entsalada misto
Axoa eta irrisa
Ardi Gasna
Sagar tarta
Kafea eta arnoa
Sartzeak salgai !
May 10, 2018
Pastoraleko txartelak salgai izanen dira maiatzaren 3tik goiti toki hauetan:
Hiriburuko Herriko Etxea (05 59 44 15 27)
Hazparneko Xuriatea jatetxean
Baionako Elkar liburudenda
Mauleko Xibero Bio saltokian
Donibane Garaziko Kukuxka liburudenda
Baigorriko Oronos Spar saltokian
Sartzeak: 15€ - dohainik 12 urteetaraino
Ekainaren 3ko programa
10ak30tan: pastoralaren meza elizan
11ak30tan: Pastoralaren desfilea Andereserineetik Plaza Berriraino
15h30 ANDERE SERORA HIRIBURUN PASTORALA
19h Talo, ostatu eta musika
Horra, horra, pastoralaren afitxa
April 25, 2018
Denek igurikatzen zinuten!
Horra, horra Andere Serora Hiriburun pastoralaren afitxa!
Ondoko egunetan Iparraldeko herri eta hiri guzietan ikusten ahalko duzue.
Ane Miren Luja gaztearen afitxa dute pastoralzaleek hautatu beste 17 obren artean.
Laster artista horren ezagutzeko parada izanen duzue ondoko artikuluetan.
Konferentzia : Ongia eta Gaizkia Pastoraletan
April 12, 2018
2018ko apirilaren 28an, Hiriburuko La Perle gelan, Patrick Queheille dantza-erakasle eta pastorala-idazleak hitzaldi bat eman zuen ongiaz eta gaizkiaz Zuberoako pastoraletan. Hiriburun 2018ko ekainaren 3an iragaitekoa den "Andere serora Hiriburun" pastoralaren ildotik antolatu zen hitzaldia. Frantsesez egin zen, antolatzaileek galdeginik.
Afitxa zoingehiagoka
February 15, 2018
Anderserora Hiriburun pastoralaren bi agerraldientzat 2018ko ekainaren 3an eta irailaren 16an, Hiriburu Pastorala 2018 elkarteak zoingehiagoka bat antolatzen du afitxarentzat.
Afitxa horren bidez, pastoralaren hainbat euskarritan baliatua izanen da (4000 aletan ateraia daiken pastoralaren liburuttoan adibidez).
Edozein presuna fisikok parte har dezake.
2018ko martxoaren 15eko aurkeztu behar da bere sorkuntza
Hemen aurkituko duzue zoingehiagokaren arauditegia.
Adixkide artista emankor, saka hor.
Dendariek, motz eta jos !
February 13, 2018
Urriaz geroztik hogoi bat dendari lanean daude, aktür guziak arropa ederrenetan ager diten tauladan pastorala egunean.
Ikerketa eta miaketa lanaren ondotik, jin da izarien hartzeko eta sorkuntzen egiteko mementoa, orain entsegu eta arrajostearen aldia da.
Lana ez da ttipia ( 140 bat aktür) bainan gogoa ere ez! Eta hala hobe !
Milesker handi bat ! Biba dendariak !
Prentsa aintzinekoa
January 26, 2018
Urtarrilaren 23an, asteartez, pastoralaren lehen prentsa aintzinekoa iragan da emaiteko hunen zergatiaren eta abiatzearen berri.
Bestalde, Andereserora Hiriburun trajeriaren haria aipatu zen, hunentzat hasi lan haundia eta eman zen ere süjetaren izena …
Izan diren galdera guzieri arrapostu eman da, bainan ez dira denak salatu, zonbait sorpresek iraun dezaten ekainaren 3ª arte. Eta haien eskasik ez da izanen!
"Zer da pastorala ?", Jean-Louis Davant’en konferentzia artxiboekin irudikatua.
January 26, 2018
Urtarrilaren 27an, ehun bat presunek jarraiki dute aberatsa zen konferentzia, gai hortan jakitun den Jean Louis Davant’ek emanik.
Jean-Louis Davant, idazle, olerkari, pastorala idazle eta euskalzaina da. Hainbat pastorala idatzi ditu azken 30 urte hauetan, Xiberoko Ikastolek Maulen 1990 urtean eman zuten Abadia Ürrüstoi, Gotaine Iribarnek 1993an eman Eüskaldünak Iraultzan, eta beste batzu berrikiago ikusi direnak, horietan 2004ean Maulen Antso Handia eta 2013an René Cassin Sohütan.
Euskal Kultur Erakundeak lauzkatu du Hiriburu Pastorala 2018 elkartea ekitaldi horrentzat.
Milesker haien sustenguarentzat !
Bihotz altxagarri diren mustrakak
February 20, 2018
Aktürrak biltzen dira ostirail guziz Urriaz geroztik, duten desafioaz jabeturik.
Mustrakaz mustraka, lanaren fruitua ikusten da ontzen urrats segurrago batekin.
Zorroztasun, konzentrazio, zain eta batez ere kar haundia, ahantzi gabe omorea berant arte ere beti hor dena.
Lehen mustraka orokorra martxoaren 4ean, igandearekin ! Jin trenpean !
Zponzor eta partzuerrak
December 31, 2017
Hiriburu Pastorala 2018 elkarteak bilatzen ditu partzuerrak xedearen kargu haundieri buru egiteko.
Zpontzor bakotxak bere publizitatea duke liburuttoan, herriko panel interaktiboan eta ere gomitak gogokoa duen ikusgarri eguneko.
Mezenas gisa, emaileak zerga abantail bat baduke (%60 ko beherakada zozietate edo soldata zergan). Zerga agiri bat segurtatzen zaio.
Ez duda, lagundu gaitzatzue !